Shkodra ka një cilësi të jashtëzakonshme sepse në çdo sport ka nxjerrë kampionë të mëdhenj. Mjafton të shohim foton e këtij shkrimi dhe e kupton qartë se çfarë kampionësh ka nxjerrë edhe në sportin e mundjes.

E shkëputëm këtë foto nga albumi i shumtë i sukseseve që ka patur ky sport sepse ka një të veçantë. Në të janë katër sportistë të cilët i kanë dhuruar Vllaznisë plot 18 tituj kampionë. Mes tyre është “rekordmeni” i titujve Rrok Bardeli i cili është shpallur 10 herë kampion i vendit në vitet 1978, 1979, 1981, 1982, 1983, 1984, 1985, 1986, 1987 dhe 1988.

Po ashtu është Tonin Dema 4 herë kampion në vitet 1976, 1977, 1980 dhe 1983. Aty është edhe Luigj Zefi dy herë kampion në vitet 1980 dhe 1981 dhe i fundit, Isa Vejuka, edhe dy herë kampion i vendit në vitet 1975 dhe 1979.

Këta katër që rastisën në këtë foto sëbashku janë një pjesë e kampionëve të mëdhenj që nën drejtimin e trajnerit të mirënjohur Eljaz Ahmeti i kanë dhënë Vllaznisë shumë tituj kampionë dhe Kupa të Republikës duke e bërë këtë ekip më të suksesshmin në historinë e këtij sporti dhe duke konkurruar denjësisht me ekipe të tjera si Dinamo etj.

Gjergj KOLA/ShkodraSport.com