Shumëkush e kanë quajtur kanarina e këngës shqiptare, zë bilbili dhe Afërdita Laçi, vazhdon të mbetet ashtu, një artist e merituar.

Që kur filloi të këndonte për herë të parë në aktivitetet e rëndësishme kombëtare të këngës, atëherë në moshën e saj 16 vjeçare e deri tani edhe pse është një periudhë e gjatë kohe zëri i saj i veçantë dhe tepër melodioz vazhdon të mbetet i njëjtë.

E papritura që na solli këngëtarja me zërin e saj të veçantë në mesin e viteve 70-të bëri që të besonim se një Tefta Tashko Koço e re kishte lindur në skenën shqiptare.

Në fundvitet 1975-1976 Radiotelevizioni Shqiptar do të organizonte konkurset e zërave të bukur. Një vit më vonë, më 1976 një tjetër këngëtare e re dhe tepër simpatike, Afërdita Laçi, nga qyteti i Korçës morri pjesë në atë konkurs dhe u shpall fituese e atij konkursi, e cila interpretoi këngën fituese të çmimit të tretë në Festivalin e 14-të të Këngës në RTV

Pasi u shpall fituese e atij konkursi hyri automatikisht si këngëtare pjesëmarrëse në Festivalin e 15-të të Këngës në RTV 1976 me këngën “Shokë jete”, kompozuar nga Aleksandër Lalo.

Në ato vitet e saj të para, përveç se këngëtare në festivale, ajo do të këndonte edhe këngë në anketat muzikore të radios. Përmend këtu këngën fituese të një ankete muzikore në ato vite “Shiko Mëmëdhenë”, kompozuar nga Limoz Dizdari me tekst Robert Shvarc.

Kulmin e saj të suksesit këngëtarja korçare do ta arrinte në Fetivalin e 18-të të Këngës në RTV, Dhjetor 1989, ku së bashku me këngëtaret Zeliha Sina dhe Liliana Kondakçi do të fitonin çmimin e parë me këngën “Festë ka sot Shqipëria”, muzika A. Prodani me tekst të Zh. Jorganxhiut.

/ Sa bukur ngrihet një lagje e re / dhe sheshi ngjan si det me valë / o mbledhur sot të gjithë ne/ me ballin lart faqebardhë…/

Gjatë atyre viteve Afërdita nuk mund t’i mungonte aktiviteteve të shumta artistike që zhvilloheshin edhe në qytetin e saj, Korçë. Kënga “Ky liqeni i malit” kënduar në një nga festivalet e këngës në Korçë u bë shumë shpejt e njohur, jo vetëm në qytetin e Korçës.

Serenatat e pavdekshme korçare me të cilat ajo ishte rritur do interpretoheshin me mjeshtëri nga zëri i saj i bukur dhe i hollë. Qytetarët korçarë edhe sot u kujtohet këngëtarja me zërin e saj të hollë e të ëmbël si kanarinë nën interpretimin e serenatave të shumta korçare si: “Perëndeshë e bukurisë”, O ky bilbili i malit, …

Vite më vonë edhe pse studente në Akademinë e Arteve të bukura në Tiranë, “streha” e saj e të kënduarit do mbetej skena e festivaleve të këngës në RTV. Për zërin e saj të bukur dhe melodioz, Afërdita Zonja është nderuar me çmimin: “Artiste e Merituar”, shkruan Pierre-Pandeli SIMSIA./KultPlus.com