Më tej ai kritikoi dhe pjesëmarrjen e kompozitorëve të huaj, por dhe për jurinë e cila gjysma nuk ishte shqiptare.

TIRANË– Një orej zërave kritikë  kundër Festivalit të 58-të në RTSH, është dhe Agim Doçi. Autori i mijëra teksteve të këngëve të muzikës së lehtë shqiptare ndër vite, ka thënë se Vera Grabocka ka bërë një autogol me organizmin e këtij festivali.  I ftuar në emisionin “Provokacia” në ABC News, Doçi u shpreh se këtë vit festivali duhet të përsëritet, pasi ai që u zhvillua në dhjetor të vitit 2019 ishte thjesht një show dhe asnjë më shumë. Më tej ai kritikoi dhe pjesëmarrjen e kompozitorëve të huaj, por dhe për jurinë e cila gjysma nuk ishte shqiptare.

Njerëz të cilët kanë një aftësi të çuditshme për të bërë festivale dhe show si zonja Vera Grabocka, kësaj here kanë bërë autogol. Autogoli konsiston në faktin se ky është festivali i muzikës kombëtare shqiptare dhe nuk e kam kuptuar si mund të merret me juri të huaj dhe si mund të konkurojnë të huaja që nuk kanë pasaportë shqiptare. Asnjë nga juritë e Eurosong nuk bëjnë votime të vlerave të këngës, por bën viktime globanike”, shprehet Doçi.

Më tej shkrimtari thekson se një ndër këngët më të arrira që kanë marrë pjesë në Eurovision është “Dua të bëhem imazhi yt” nga Anjeza Shahini. “Ishte e drejtë kryetari i Eurosong në 2005 kur tha se Shqipëria e vogël ka sjelle një këngëtare të madhe. ‘Dua të bëhem imazhi yt; në shqip. Anjeza e këndoi në anglisht për me mbledhë vota dhe shkëlqeu”, thotë ai.

Nuk ishte festival ai, ishte një show mjaft i mirë luksoz. Por kur e humb ndeshjen në autogola nuk bëhem tifoz. Si ka mundësi që në festivalin e 58-të një komision enigmatik përfaqësuesn e vitit që shkoi në Izrael, Eriona Rushitit nuk i pranojnë këngën, pra u skualifikua në festvalin e 58-të. Nuk jam dakord që të flasim kur nuk janë këtu. Thirre këtu ti Grabockën, thirre edhe Alketa Vejsiun, se thanë që ishte Vejsiu show. Dakord jam, ajo është shumë e zonja, është brilante. Kantauatorët dhe kompozitorët e mëdhenj nuk kanë marrë pjesë asnjë”, shtoi më tej teksshkruesi.

Një prej kritikave të tij ishte dhe për tekstet e këngeve që morën pjesë ne festival, duke thënë se ishin mizerabël. Për këtë ai mori shembull këngën “Me tana” të Elvana Gjatës, ku tha se nuk ishte as shqip, as anglisht, as në dialektin geg e as në atë tosk.

(A.B.:E.K/ Dosja.al)