Shkëlqim Basha lindi në Tiranë në vitin 1945, është aktor i njohur shqiptar.

Kreu shkollën e lartë për aktorë “Aleksandër Moisiu”, pranë Teatrit Popullor në 1967. Pas diplomimit filloi punë pranë tij më 1 janar 1968. Ka interpretuar me sukses një sërë rolesh nga dramaturgjia jonë kombëtare dhe ajo e huaj. E nisi karrierën me role të vegjël, duke shkëlqyer në kryerolin e Arturo Ui-së në dramën me të njëjtin titull. Ka interpretuar afro 70 role në Tetrin Kombëtar dhe 10 role në kinematofgrafi. Ndër rolet më të suksesshëm të tij përmendim: Vashik “Miq të paftuar”, Arturo Ui “Arturo Ui”, Puntori “I pazvëndësueshmi”, “Leksi “Lumi i vdekur”, Xhep “Çatia e të gjithëve”, Duka i Milanos “Dy zotërinj nga Verona”, Rama “Ata që duhen”, “Çarli “Vdekja e një komisioneri”, Kryepeshkopi “Kush e solli Doruntinën”, Batista “Zbutja e kryeneçes”, Iskierdoja “Monserati”, etj. Pas viteve 90 doli në pension e nuk është aktivizuar më në teatër, duke e mbyllur karrierën e tij 30 e ca vjeçare.

Filmografia

1969: Njësiti guerril në rolin e Gramozit

1969: Përse bie kjo daulle

1970: Gjurma në rolin e Petritit

1984: I paharruari në rolin e Kiços

1986: Fillim i vështirë në rolin e dajës së Bledit

1986: Guri i besës si vellai i Mirketit

1987: Botë e padukshme si Pirro

1987: Këmishët me dyllë

1989: Kush është vrasësi si Llazi, shefi i hetuesisë