Poezi nga Emiljano Vrapi

Kooperativë…

Në kooperativë, fillova punë
Jam e lumtur, o lumja unë
Çdo mëngjes, me gëzim shkoj në punë
Jam e lumtur, o lumja unë

E bëj normën, dhe pak më shumë
Jam e lumtur, o lumja unë
Punoj në mistër, punoj në grurë
Jam e lumtur, o lumja unë

Partia e punës, më gjeti burrë
Jam e lumtur, o lumja unë
Punoj në, vaditje – prashitje gjithë ditën në punë 
Jam e lumtur, o lumja unë

Ulë kokën poshtë, prashis luledielli
Djersa më, vete lumë 
Vjen nga mbrapa, ma rrasë brigadieri
Jam e lumtur, o lumja unë…

Emiljano Vrapi…