Kujtim Spahivogli në filmin “Oshëtimë në bregdet”
Kujtim Spahivogli në filmin “Oshëtimë në bregdet”

Kujtim Spahivogli lindi më 30 korrik të vitit 1932 në Lushnje. Kreu Liceun Artistik në Tiranë (dega Teatër) dhe studimet e larta për teatër i ndoqi në Moskë nga viti 1951-1956. Pas kthimit në atdhe në vitin 1956 emërohet aktor në Teatrin Popullor (sot Teatri Kombëtar). Roli i tij i parë në skenën e ketij Teatri ishte Xherxhinski në dramën “Orët e Kremlinit”. Në vitin 1960 Kujtimi u bë një nga themeluesit e Institutit të Lartë të Arteve në Tiranë dhe Kryetar i degës së Dramës. Ai është themeluesi i Fjalës artistike dhe i lëndës së Skermës në Institutin e Lartë të Arteve (Sot Akademia e Arteve të Bukura). Në 1964 Kujtimi ndihmoi ne krijimin e Teatrit Dramatik të Vlorës dhe vuri në skenë dramën e parë aty, “Fundosja e Eksadronit” të Kornjejcuk.

Spahivogli ishte edhe krijues e drejtues i “Teatrit të të Rinjve” i cili u krijua pranë Institutit të Lartë të Arteve. Në mes të pak pjesëve që vuri në skenë me atë trupë qe edhe komedia e njohur e Majakovskit “Banja”.
Kujtimi vuri në skenë disa pjesë të dramaturgut Fadil Paçrami dhe kur ky u dënua nga plenumi i katërt i Partisë së Punës (Komuniste), bashkë me të u dënua padrejtësisht edhe Kujtimi. Në vitin 1973 e larguan nga Teatri dhe i hoqën të drejtën të vinte pjesë në skenë.
Në fillim punoi në disa fshatra, pastaj e çuan punëtor krahu në ndërmarrjen e bonifikimit në Fier.

Vdiq më 7 korrik të vitit 1987 në moshë të re pesëdhjetepesë-vjeçare, pas një persekutimi prej 2 dekadash, i sëmurë e i harruar edhe pse kishte qenë një ndër aktorët e regjisorët e spikatur të Teatrit Shqiptar.

Drama te interpretuara:
Orët e Kremlinit
Majlinda
Në anën tjetër
Dragoi i Dragobisë
Hamleti, etj.

Ka vënë në skenë:
I Çuditëshmi
Gratë gazmore të Uindsorit
Shoket e nje klase
Fundosja e Eksadronit
Në tufan
Shtëpia në bulevard
Drita
Karnavalet e Korçës
Qielli i kuq, etj.

Dramaturg.
Një shok i klasës sonë

Film:
Oshëtimë në bregdet

Pas vdekjes, në vitet ’90 iu dha titulli “Artist i Popullit”.

 

Burimi: Gazeta Vatra