I lindur në Prizren, Jordan Nikolic ka nisur të këndonte qysh në moshë të re.

Goja e tij e ëmbël interpretonte me dashuri këngët shqipe, sidomos ato të folklorit shqiptar.

Karriera e tij 50 vjeçare numëron plot bashkëpunime dhe madje edhe studime muzikore. Ai ka ruajtur nga harresa këngë të vjetra serbe e shqiptare, disa të cilat datojnë qysh nga koha e Betejës së Kosovës në vitin 1389.

Po e sjellim sonte një këngë që Nikolic e këndon bashkë me Nexhmije Pagarushën – Bilbilin e Këngës Shqipe.

“Kah pranvera” është një këngë e dashur dhe një himn që ka bashkuar dy zërat e fuqishëm. Kënga ka qenë pjesë e Akordeve të Kosovës – festivalit të madh muzikor në Kosovë. / KultPlus.com