Luçie Miloti lindi më 11 maj 1930 në Shkodër.

Këngëtarja e njohur erdhi nga një familje me tradita muzikore. Doli në skenë që në moshën 12-vjeçare, ku spikati me zërin e saj unik. Rruga e saj artistike nisi në Radion e Shkodrës, ku më pas do të angazhohej në shtëpinë e Kulturës të qytetit të Shkodrës.

Karriera e saj si në skenat kryesore të vendit, ashtu dhe në festivalet kombëtare dhe ndërkombëtare, filloi në moshën 16 vjeçare. Në vitin 1946 transferohet në Tiranë dhe kjo e afroi me jetën artistike kryeqytetase. Fillimisht emërohet si soliste në Radio Tirana dhe vetëm një vit më pas emërohet si soliste në filarmoninë shqiptare.

Me krijimin e institucioneve te tjera kulturore artistike profesioniste te kryeqytetit, Lucija u aktivizua ne filarmonine e shtetit dhe me pas kaloi ne Estraden e Tiranes, me vone, ne Ansamblin Shteteror te Kengeve dhe Valleve Popullore ku mori edhe titullin “Artiste e Merituar”.

Disa kompozime e dedikuara kësaj artisteje të mrekullueshme janë kënga nga Pjetër Gaci : “Qytetit tim” , Rud Gurashi, këngën me titull: “Shpend ma i parë i bukurisë”, Zef Leka, me këngën: “Synin tand larush moj çike”, të Xhevat Lishit, me tekstin e Lah Mema: “Zani yt, na sjell pranverë” dhe e këndon Meri Zefi. Në fund të 2004 nga kompozitori lezhjan, Agim Velaj: “Lauresha e Shkodrës”

Në kujtimet e artistëve bashkëkohës me të, Luçie Miloti vjen si një këngëtare e veçantë. Skenën e pushtonte vetëm me zërin e saj, sepse asnjëherë nuk i përdorte gjestet shoqëruese. Në repertorin artistik numërohen 500 këngë të cilat këngëtarja i ka përcjellë edhe në botën e huaj. “Çila sytë, due me te pa”, “Për mue paska kane kysmet”, “Bishtalecat palë palë”, “Shpend ma i parë i bukurisë”, “Zanusha”, “Me zaman asaj furije?, “Çu çue Rushja”, etj do të ishin disa nga këngët që dëgjoheshin nëpërmjet Radio Tiranës.

Në formimin profesional të mëtejshëm do të këndonte këngë si “Kaçurrelat e tu”, “Synin tënd larushe mij çike”, “Me t’shi hajtshamos” etj. Në karrierën e saj, Luçie Miloti ka marrë pjesë në festivale kombëtare dhe ndërkombëtare, si në skenat e shume kryeqyteteve të Ballkanit dhe madje të botës.

Në Varshavë është vlerësuar me titullin “Bilbili i Ballkanit”, ndërsa në Bullgari muzikologët e kanë cilësuar si “Bilbili me zë kristalor”. Për kontributin e saj muzikor, më 1961 ka marrë titullin “Artiste e Merituar” dhe urdhrin “Mjeshtër i madh” nga ish-Presidenti Rexhep Mejdani. Me vendimin e Bashkisë së Tiranës, një rrugë e Tiranës merr emrin Luçije Miloti në nder të këngëtares së mirënjohur.

Në maj të vitit 2006, ndërroi jetë nga një sëmundje pak ditë pasi mbushi 76 vjeç.

Burimi: Konica.al