Majlinda Kelmendi e ka fituar medaljen e artë në Grand Slamin e xhudos, që po mbahet në Abu Dhabi të Emirateve të Bashkuara Arabe.

Kampionia Olimpike (-52 kg) mposhti me ipoon italianen Odette Giuffrida, pas një luftë të ashpër që zgjati rreth 10 minuta.

Italianen e kishte mundur edhe në finalen e Lojërave Olimpike Rio 2016.

Në përgjithësi, Majlinda fitoi pesë luftëra, të cilat i sjellin edhe 1 mijë pikë Olimpike për Lojërat Olimpike Tokyo 2020.

Paraprakisht, Majlinda në këtë grand slam triumfoi ndaj xhudisteve Salimata Fofana (Bregu i Fildishtë), Anna Kazyulina (Kazakistan), Park Da Sol (Kore e Jugut), dhe Chelsie Giles (Britania e Madhe).

Nesër garon Akil Gjakova në kategorinë -73 kg. /Telegrafi/