Këngët shqipe jehuan nën tingujt e sharkisë në Francë nga një shqiptar

Duket se shqiptarët çdo herë e më shumë po arrijnë suksese në diasporë, duke u bërë emra të njohur në shumë fusha studimi dhe duke zotëruar potencialitet në vendin ku ata kanë zgjedhur të jetojnë, shkruan albinfo.ch.

Njëri nga ta është edhe Enris Qinami, i cili studimet e para i mori në Shqipëri dhe në Francë për muzikë klasike.

Por, në një event në Francë, Enrisi ka zgjedhur të bëhet një përfaqësues i muzikës tradicionale shqiptare.

Me një instrumentit muzikor krejt të veçantë si sharkia, me elementë të sazes dhe këngët me tekste shqip, ai është i vetmi përfaqësues që interpreton e kultivon këtë lloj muzike për publikun francez.

Ai është shprehur se muzika e mirëfilltë shqiptare është vlerë e rrënjëve tona.

“Muzika tradicionale është një shikim në pasqyrë e vetvetes. Ajo ruan memorien kolektive në disa forma: së pari në tekstet dhe së dyti në melodi”, tha Enrisi.

Duket se artistët shqiptarë janë ambasadorë të kulturës në vendet ku jetojnë dhe punojnë dhe Enris Qinami është një i tillë, duke na përfaqësuar në Francë dhe shumë vende të tjera të Evropës. /Albinfo.ch.