Një aktore, një grua zonjë e qytetarisë korçare, është ndarë nga jeta. E lindur në datën 2 mars të vitit 1936, Valentina Caci ka ndëruar jetën të enjten e datës 11 korrik të vitit 2019 në qytetin e Korçës ku i përkushtoi sakrificat e saj si artiste dhe Nënë truallit të vendlindjes.

Valentina Caci është aktorja që la një vulë të pashlyeshme interpretimi në skenën e teatrit të Korçës dhe kinematografisë shqiptare.

Burimi: Aktoret Shqiptar

Presidenti Ilir Meta shprehur ngushëllime për ndarjen nga jeta të aktores së njohur Valentina Caci, sot në moshën 83-vjeçare.

“Me trishtim mësova lajmin e hidhur të ndarjes nga jeta të aktores sonë të mirënjohur, “Artistes së Merituar” Valentina Caci. Me rolet dhe personazhet karakteristike, të luajtura me aq talent dhe mjeshtëri të rrallë, në skenë, dhe veçanërisht në film, Valentina Caci fitoi simpatinë dhe u duartrokit me meritë nga shumë breza, duke na lënë pas një trashëgimi të vyer në teatër e kinematografi.

Duke ndarë dhimbjen e thellë për humbjen e kësaj artisteje të madhe, i përcjell ngushëllimet më të sinqerta të afërmve dhe bashkëpunëtorëve të saj, si edhe të gjithë artdashësve shqiptarë. E paharruar do të mbetesh e madhja Valentinë!”, shkruan Meta në rrjetet sociale.